طبق مقلوبة الفول

فهرس الصفحة

تفاصيل مقلوبة الفول

مقادير مقلوبة الفول

طريقة طهي مقلوبة الفول

للتزيين

أول مرة عملت هالوصفة كانت لما صوّرتها، ووقت التصوير كانت عندي صاحبتي زينة. زينة إلها دور كبير بالوصفة بخبركم عنها بعدين. أنا ما بحب مقلوبة الفول، وعمري ما اشتهيتها، بس وقتها إجاني فول كتير من مزرعة صحابنا، فقلت ليش ما أغيّر موقفي من الأكلة وأعملها بطريقة تانية، وقلت الفول والكزبرة والثوم كتير زابطين سوا، وفعلا ضفتها بالوصفة كمكونات أساسية، والصراحة طلعت بتشهي.

نرجع لزينة، زينة عندها نفَس بالأكل، ووقت ما كنت أصوّر الطبخة وقّفت قاطعتني وحكتلي "ياسمين إنت كيف ما بتستعملي بهار سادة مع المقلوبة؟؟؟" طبعا صفَنِت شوي، وقلت ليش شو هو بهار السادة؟؟؟ ومن وقتها عمري ما تخلّيت عنه بالمقلوبة؛ لأنه أعطى نكهة أكثر من رائعة. البهار السادة، هو نفسه البهار الحلو، وهو بس اسم، وموجود ومعروف بكل مكان. بتقلب المقلوبة قلِب. جربوها.

تفاصيل وصفتنا مقلوبة الفول

الكمية تكفي 8-10 أشخاص

وقت التحضير 30 دقيقة

وقت الطهي 35 دقيقة

مقادير مقلوبة الفول:

• 1 كيلو لحم خروف (بعظم أو بدون عظم، مسلوق)
• ماء سلق اللحم (الطريقة ص)
• 3 كوب فول أخضر طازج بالقشور مقطع
• 8 فص ثوم مهروس
• 1 كوب كزبرة خضراء مفرومة ناعم
• 1 بصل مفروم ناعم
• 2 م ك بهار سادة
• ½ م ص قرفة
• 1 م ص هيل مطحون
• ملح وفلفل أسود، حسب الرغبة
• 2 كوب أرز أمريكي
• 1 كوب أرز مصري
• 3 م ك زيت نباتي